Love Poems
KAUN HAI TU?

 

Written By Ain Rasheed

KAUN HAI TU?

SAAYA MERA MUJH KO DEKH KE BHAAGEY HAI
PHIR BHI MEREY SAATH RAHEY HAI
KAUN HAI TU?

ABHI TERI QURBAT HI ZEEST KA BA’AS HAI
PHIR BHI TUJH SE DAR HI LAGEY HAI
KAUN HAI TU?

TUJH KO DEKH PYAR SE DIL BHAR AAYE KABHI
DOOJEY LAMHEY DIL LARJEY HAI
KAUN HAI TU?

TERI MAN KI BAATEIn MAN KI BAATEIn HAIn
PHIR BHI MAN KI BAAT NA SAMJHEY hai
KAUN HAI TU?

RAAZ KI SAARI BAATEIn TUJH SE KAR LOOn MeIn
PHIR BHI JI KA HAAL CHHUPAaon mein
KAUN HAI TU?

SHARM SE SAR JHUK JAAYE JAB BHI AAYE TU
PHIR BHI DIL KE PAAS RAHEY HAI
KAUN HAI TU?

TUJH KO DEKH KE LAB KHUSHK HO JAAYEIn KABHI
BAATEIn KARNEY DIL TARSEY HAI
KAUN HAI TU?

chhu KE JAB BHI DEKHOOn APNe lagte Ho
PHIR BHI MUJH SE DOOR RAHEY HAI
KAUN HAI TU?